Cara, quanno re te mi nnammorai,
Cara, ca mo ti conto la ragione:
Mmiezzo a quiro chiaro ti scontai
Lintano ra Monteddra circa roie ore.
Quieta ivi e puro ti guardai,
Co l'uocchi ti pigliasti lo mio core.
Pe sette misi ti vinietti appriesso:
Tu rivi la perata e io lo passo
Mo chi si è scupierto tutto questo,
Sulo si m'accireno ti lasso;
Oi a cient'anni so sempe l'istesso:
E' resdino re Dio, chi non si scassa.
Non tanta gilosia: non tanto, tanto,
Tu pierdi tiempo, e io morì mi sento.
Si vero na formicola puro mi sbanto,
Pe n'auciello chi vola io mi sbavento.
Si ti vero parlane pe no santo
Sto core mio fa mille penzamenti.
Amami come t'amo, tienimi mbietto,
So re re tue bellezze nnammorato,
Non t'aggio conosciuto no rifetto
Ra lo tiempo chi t'aggio abbistato;
Ssi niuri uocchi co sso ianco pietto.
Cara, morì mi fanno resperato.